YEAH! Nach fast eme ganze Joor derfe mer ändlich wieder aafo probe!

Dr Best isch jo, es het ganz viel Änderige gä bi de Wällä Schletzer. Mir hei eus vo e paar Mitglieder müesse verabschiede wo e Jöörli ussetze, hei drfür neui Rekrute am Start - sooooooo guet! Wägge däm hei mer eus au e brandneus Probelokal "gönniert" wo erst no i euser Gründigsheimat lit. Mit 33 aktive Fasnächtler ischs jetzt wohl a dr Zit s Instument us dr Täsche wo unter 15 Büecher vor em Regal neben Chleiderbärg im Zimmer lit usezchrame und endlich z entstaube, entroste, putze, poliere, schliffe, stimme und bete, dass d Probe witerhin stattfinde derfe und chönne, amen. Gnueg dumm gschwätzt, jetzt wird Probt.

Fasnacht 2022, mach di parat, d Wällä Schletzer si in voller Fahrt!

P.S.: Bisch nit neugierig wär die Neue si? Gang mol unter Mitglieder go luege, villicht findischs jo use